Eitt sindur um felagið

Koyristólur Skerdur Førleiki, eisini nevnt KF felagið, var stovnað hin 21. juli 2025 og er eitt ikki-vinnurekandi áhugafelag, umboðandi koyristólsbrúkarar og fólk við skerdum førleika.

Endamál felagsins er, sum felag at taka sær av áhugamálum hjá koyristólsbrúkarum, og fremja kunnleika og áhuga í samfelagnum fyri umstøðurnar og tørvin hjá hesum brúkarum. Ráðandi millum raðfestingarnar hjá KF er at gera Føroyar atkomuligar fyri øll, eisini tey sum sita í koyristóli og við skerdum førleika.Hóast stig eru tikin á leiðini, er langt eftir á mál.

Set teg í samband við okkum

Víðari menning

Áhugafelagið sær hópin av møguleikum fyri víðari menning í Føroyum. Hetta fevnir meira ítøkiliga um atkomumøguleikar, hjálpartól, almennar tænastur, upplýsing, samskifti, og annað sum stuðlar uppundir áhugamál felagsins. Fyri at røkka málunum vil felagið hoyra frá øllum borgarum sum hava okkurt á hjarta og bjóðar teimum at taka lut á leiðini ímóti einum meira atkomuligum samfelag. Standa vit saman og eru jalig kunnu vit flyta fjøll. Tískil er limaskapur opin fyri øllum.

Stovnandi nevndarlimir eru Kaj Leo Holm Johannesen, Eydna Mouritsen, Eyðun Hansen, Claus Asbjørn Rasmussen, og Nomi Gregersen.